Tom Holland “Temir odam 3” filmi muallifining yangi trillerida rol o‘ynaydi

“O‘rgimchak odam” filmlari yulduzi Tom Holland Sony studiyasining “Pentxaus” (Penthouse) nomli yangi trillerida bosh rolni ijro etadi. Kartinaga “Temir odam 3” va “Xobbs va Shou” filmlari ssenariynavisi Dryu Pirs rejissyorlik qiladi.

Film syujeti tafsilotlari hozircha oshkor etilmagan. Holland bosh rolni ijro etish bilan birga loyiha prodyuseri sifatida ham ishlaydi. “Pentxaus” Pirsning 2017-yildagi “Artemida mehmonxonasi” filmidan keyingi ikkinchi rejissyorlik ishi bo‘ladi.

Tom Holland 2026-yilda “Odisseya” va “O‘rgimchak odam: Yangi kun” filmlarida suratga tushdi. Har ikkala kartina jahon prokatida katta daromad keltirdi. “Odisseya” 1,7 mlrd dollardan ortiq, “O‘rgimchak odam: Yangi kun” esa 2,5 mlrd dollar yig‘ib, kino tarixidagi uchinchi eng kassabop filmga aylandi.

Shuningdek, Holland filmlari umumiy prokat yig‘imlari bo‘yicha tarixdagi eng kassabop aktyorga aylandi. U ishtirok etgan kartinalarning jami daromadi 15,5 mlrd dollarni tashkil etdi.